烏克蘭坐和望贏
英格蘭的確“死好命”，上仗“符碌”反勝瑞典贏得驚濤駭浪，出線形勢佔得着數，今仗對住“主人家”烏克蘭只要和波就可殺入八強，以鶴臣一向教波作風，唔排除今晚以穩守為主，最緊要能夠出線，肯定唔會“立亂”與對手鬥攻鬥搶。烏克蘭屬生死一戰，必會全力搶攻，借助天時地利人和，希望打出加一波殺敗英格蘭。初盤英格蘭讓平手/半球，捧實力唔會相差太大的烏克蘭坐和望贏。
朗尼刑滿出場，英格蘭前線火力加強唔少，但防線仍有問題，上仗瑞典一個伊巴謙莫域，已經搞到英軍防線“騰騰震”，今晚對住由舒夫真高領軍的烏克蘭鋒線，英軍後防隨時手忙腳亂；因為烏克蘭有唔少攻擊點，以一分為目標的英格蘭肯定踢得較為保守，唔睇好可以贏波。
上仗不敵法國應該輸得心服口服，但烏克蘭場上拼搏及鬥心的確值得一讚，始終自己地頭，肯定加多兩錢“肉緊”，背水一戰更加搏到最後。○九年外圍賽烏克蘭曾經主場殺敗英軍，可以加強球員贏波鬥心。
推介：烏克蘭勝2：1
标签：
【极速彩票】
