科蘭返南美投國體會

科蘭返南美投國體會

歐國盃踢完冇耐，各球會喺轉會窗動作亦越趨激烈，不過暫以各地聯賽計，意甲出出入入數字肯定最多，先唔好計祖雲達斯買人買到好似唔使錢咁，國米來季都大換血，先係科蘭已證實加盟巴甲嘅國際體育會，而巴西首席門將施薩索拉斯亦有傳已被國米解約，究竟國米下季係龍係蟲，都真係下季先知啦。
其實國米今次真係超大膽，一口氣放走科蘭同施薩索拉斯兩個有級數球員，當然新買入嘅馬迪亞斯施維斯達同漢丹洛域都後生好多兼有質素，不過兩者都未曾喺大球會證明級數，國米要靠依家班新兵爭番個歐聯位，機會真係唔太樂觀。
睇番科蘭嗰邊，佢離開國米之後真係隨時又翻生，睇佢上季喺國米幾乎冇打過咁滯，有得落場都只係後備居多，冇表現其實好正常，今次佢去到巴甲隊隊波進攻意識強又開放啱晒佢打，以佢嘅把握力入2、30球唔成問題，國體會依家只係落後榜首4分，一個唔該贏埋個冠軍都未定喎。