[太阳报]歐國盃：為撐英格蘭望希臘晉級

歐國盃簡直係全港大部分人熱講話題，唔單止喺公司嘅時候會有人同我講波、傾波衫，連朋友聚會話題都係講歐國盃。前日同一班朋友飯聚，以往一坐低先會互問近況，但今次一嚟大家就問： 你捧個隊出咗局未呀？

以往好少睇波，亦冇留意身邊朋友原來個個都係波牛加超級球迷，佢哋話咁啱喺《東方日報》睇到我有份寫專欄先知我都睇波，我話其實我係今屆先開始咁留意，以往真係好少睇。