希堡脫胎換骨唔怕追
2012/07/09文:亨格比利
周二凌晨由北歐波做主打，瑞超戰場哥登堡同希爾星堡合演傳統大戰，作客嘅希爾星堡換咗助教之後表現Sharp醒晒，無論係熱身賽定聯賽都係咁贏，造訪冇牙老虎哥登堡使乜驚呀？1.78倍「讓球客勝」係信心之選。
希爾星堡喺休季期之前海鮮到不得了，估唔到6月由前國腳舒華斯接掌助教一職之後，成班波即刻順風順水，早排喺熱身賽連環砌低施克堡同洛斯查蘭特，聯賽重開之後又以4:1大炒加費萊，想唔讚舒華斯腳頭好都唔得！
哥登堡連續6場聯賽失分
反觀哥登堡自從5月頭之後就一直持續低迷，計落已經連續6場聯賽失分，呢班波係多猛將，至弊主帥史達希到家陣都仲未搵到最佳陣容，幾位球員好似中場艾蘭遜、謝斯同前鋒蘇達都埋怨上陣時間唔夠穩定，好明顯史達希仲試緊陣。而且守將基迪韋拿因膝部傷患唔出得，今鋪憑咩讓波先？
标签：
【极速彩票】
