[太阳报]韋斯特曼納耶硬淨博3.15倍和

韋斯特曼納耶硬淨博3.15倍和
2012/07/12文:查理阿蛋

嚟自愛爾蘭嘅聖巴特里，最出名嘅就係佢哋班極投入嘅球迷，不過今晚佢哋喺歐霸盃外圍賽嘅首圈賽事，嚟到次回合要作客主場硬淨嘅冰島球隊韋斯特曼納耶，就未必拎到甜頭喇，小妹撐3.15倍和波！

聖巴特里射手打柴
聖巴特里憑住Fans打氣支持，首回合喺主場成功以1:0擊敗韋斯特曼納耶，佢哋作客都絕對唔差o架，近9場都可以保住不敗，而且近4場夾夾埋埋亦入咗9球，其實成績好都係多得新教頭利姆畢奇利，呢位領隊一上任就大刀闊斧踢走16個球員，再入番14件心水貨色，結果造就水銀瀉地嘅進攻型踢法，相信今仗會同上仗差唔多，續由聖巴特里主導戰局，可惜佢哋今仗有主力射手基斯法根受傷患影響缺陣，火力一定大打折扣。

至於佔有地利嘅韋斯特曼納耶亦絕對唔嘢小，佢哋上季喺歐霸主場對住聖巴特里，當時就贏過1:0，何況呢支冰島球隊主場賽績唔曳，近10場只係輸過2次，加上首回合作客僅負1球，絕對唔係冇希望，而且仲有米爾頓凱恩斯出道嘅中場巴杜克壓陣，今仗絕對有條件保住不敗。　首回合：韋客負０：１

歐霸盃外圍賽賽制：
外圍賽會分為3圈，每圈均採主客兩回合淘汰制，今輪為首圈賽事次回合。若兩回合總比數打和，則以作客入球較多一方為勝，若作客入球數相同，則會喺次回合後加時30分鐘，若雙方喺加時期間取得相同入球數，由作客球隊獲勝；若加時冇入球，即互射12碼分勝負。